Plantun de Prouvènço

Pèr coumpara dos planto d'encò nostre

Reseda phyteuma & Lappula squarrosa

Sounaioun

Reseda phyteuma

Resedaceae

Àutri noum : Cascaveleto, Amoureto-fèro, Erbo-mouro, Lentiho-fèro.

Nom en français : Réséda raiponce.

Descripcioun :
D'après lis estùdi boutani, lou sounaioun se vèi de mai en mai dins li terro faturado (marrido erbo), lis escoumbre e li prado que siegon umido vo sèco. Ei poulidet emé si pichòti flour di petalo retaiado e peréu si fru que dounon d'èr à de sounaioun.

Usanço :
A passa tèms se prenié pèr espurga lou cors e peréu faire susa. A l'ouro d'aro s'atrobo dins de poumado pèr sougna li mau d'os e li macaduro.

Port : Erbo
Taio : 5 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Reseda
Famiho : Resedaceae

Coulour de la flour : Blanco
Petalo : irreguliero
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Champ
Estànci : Termoumediterran à Coulinen
Couroulougi : Pancaro entresigna
Ref. sc. : Reseda phyteuma L., 1753

Lapassoun

Lappula squarrosa

Boraginaceae

Noms en français : Bardanette, Bardanette hérissée.

Descripcioun :
Lou lapassoun es uno planto bèn drecho e proun peludo que trachis dins li champ. Es uno planto en regressioun que se vèi pu gaire qu'en mountagno. Se recounèis à si flour que dounon d'èr à-n-aquéli dóu te-vese-e-t'ame e subretout à si fru cubert d'espino croucudo (ço que fai pensa à li dóu lapas).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Lappula
Famiho : Boraginaceae

Coulour de la flour : Bluio
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ
Estànci : Mesoumediterran à Subaupen
Couroulougi : Pancaro entresigna
Ref. sc. : Lappula squarrosa (Retz.) Dumort., 1829

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

RRR

Reseda phyteuma & Lappula squarrosa

CCC

Coumpara Sounaioun emé uno autro planto

Coumpara Lapassoun emé uno autro planto